Ito ang ipinahayag ni Marivin Arayata, vice president for entertainment ng istasyon noong Miyerkules ng gabi sa lamay ng talent manager na si Douglas Quijano, sa Heritage Mortuary and Crematory Park sa Taguig City.“Abangan n’yo, ia-announce ‘yan ni Cristine. I-a-announce din namin,” pahayag niya.
Sinabi ng television executive na sa kanyang pagkakaalam ay wala nang kontrata si Reyes sa ABS-CBN.
“As far as I know, tapos na ang contract ni Cristine sa ABS-CBN,” sabi ni Arayata.
Gayunman, nagpasubali siyang ang kontrata ni Reyes ay may tinatawag na “to match” na ang ibig sabihin ay puwedeng tapatan ng ABS-CBN ang magiging kasunduan ng batang aktres sa labas ng himpilan.
“Kung tatapatan ninuman ang contract niya sa amin, puwede ‘yon pero siya ang masusunod sa kanyang desisyon,” paliwanag ni Arayata.
Inilinaw ni Arayata na hindi sila ang naghanap at naghabol kay Reyes para bumalik sa dati nitong “bakuran.”
“Siya ang kusang lumapit sa amin. Kami naman, open sa kanya dahil sa amin naman siya talaga nagsimula kaya may consideration kami sa kanya kaya lang ay siya ang dapat na mag-decide ng lahat,” wika pa ni Arayata.
Matatandaan na binigyan ng Channel 2 ng solong soap opera si Reyes, ang “Eva Fonda” na pinanood ng napakaraming mahiligin sa telenovela.
Sinabi ni Arayata na nagtapat sa kanya si Reyes at sinabing hindi na siya masaya sa kanyang mga kasamahan sa trabaho.
“Hindi siya kasundo ng mga ibang artista ng ABS-CBN kaya gusto na niyang umalis,” pagtatapat ni Arayat.
Idinagdag ng TV exec na maraming nakahandang programa ang kanyang network para kay Reyes.
source
No comments:
Post a Comment